Жуков «Шахтерге» ауысуы мүмкін

Қарағандылық «Шахтер» Қазақстан Премьер-лигасына оралуын қамтамасыз етіп, Қазақстан құрамасы мен «Ақтөбе» жартылай қорғаушысы Георгий Жуковқа қызығушылық танытып отыр, деп хабарлайды Sport12.kz.

Ақпаратқа сәйкес, қарағандылық клубтың басшылығы 31 жастағы футболшыға келесі маусымнан бастап ұзақ мерзімді келісімшарт ұсынған. Жуковтың «Ақтөбемен» қазіргі келісімшарты осы жылдың соңында аяқталады. Осыдан кейін ол еркін агент атана алады.

Алайда келіссөздерге қаржылық талаптар кедергі болуы мүмкін. «Шахтер» клубында жалақы бойынша белгілі бір шектеу бар және басшылық бұл межеден аса алмайды.

Жуков биылғы маусымда «Ақтөбе» сапында барлық турнирде 22 матч өткізіп, бір нәтижелі пас берген. Футболшының нарықтағы бағасы 350 мың еуро деп бағаланады. Ол «Ақтөбе» құрамына 2025 жылдың жазында қосылған.

Жартылай қорғаушы мансабында бельгиялық «Беерсхот» пен «Стандард», нидерландтық «Рода», ресейлік «Урал», польшалық «Висла» (Краков) және «Пуща» (Неполомице), сондай-ақ қытайлық «Цанчжоу Майти Лайонс» клубтарында өнер көрсетті.

Елордалық «Астана» сапында Жуков 2014 және 2015 жылдары Қазақстан чемпионы атанды. Ал алматылық «Қайрат» құрамында 2017 және 2018 жылдары Қазақстан Кубогын жеңіп алды.

Айта кетейік, «Шахтер» Қазақстан чемпионатында екі рет — 2011 және 2012 жылдары жеңімпаз атанған.

Біздің серіктес: Sport12kz