«Астана» «Ордабасы» матчы алдында құрамын көрсетті

«Астана» клубы Қазақстан Премьер-лигасының 26-турында шымкенттік «Ордабасыға» қарсы өтетін қонақтағы матчқа негізгі құрамдағы легионерлерін де алып кетті, деп хабарлайды Sport12.kz.

Елорда клубының баспасөз қызметі команданың Шымкентке аттанған сәтінен бейнеролик жариялады. Кадрлардан Марин Томасов, Иван Башич және басқа да негізгі легионерлерді көруге болады.

Бұған дейін кейбір БАҚ «Астана» «Ордабасыға» қарсы кездесуге қосымша құраммен шығуы мүмкін екенін жазған еді.

Еске салайық, ҚПЛ-2026 26-туры аясындағы «Ордабасы» – «Астана» матчы 12 қыркүйекте сағат 19:00-де өтеді. Қазіргі турнир кестесінде шымкенттік клуб екінші орында болса, «Астана» үшінші сатыда орналасқан.

Біздің серіктес: Sport12kz