Эльхан Астанов қашан алаңға оралады?

Қазақстан ұлттық құрамасының және «Ордабасының» футболшысы Эльхан Астанов шымкенттік клубтың чемпионаттағы алдағы кездесуіне қатысуға мүмкіндік алады, деп хабарлайды Sport12.kz.

Вингер жарақатына байланысты Қазақстан Премьер-лигасының 26-туры аясында «Астанаға» қарсы өтетін маңызды матчта алаңға шықпайды. Дегенмен футболшының жарақаты күрделі емес және оның қалпына келу процесі ұзаққа созылмайды деп күтілуде.

Астанов жақын күндері команданың жалпы жаттығу тобына қосылып, келесі ойынға толық дайындық жүргізеді деп жоспарланып отыр.

«Ордабасы» келесі кездесуін 17 қыркүйекте өткізеді. Шымкенттік команда бұл ойында «Атырауды» қабылдайды. Матч «Түркістан Арена» стадионында өтеді.

Эльхан Астанов үшін биылғы маусым нәтижелі өтіп жатыр. Ол барлық турнирді қоса есептегенде 27 матчқа қатысып, 8 гол соққан және 10 нәтижелі пас берген.

Біздің серіктес: Sport12kz