«Тобыл» жекенің қолына өтпек:Жаңа қожайыны кім?

Қостанайлық «Тобыл» футбол клубы жеке меншікке өтудің алдында тұр. Бүгін, 14 қыркүйекте екі дүркін Қазақстан чемпионының жаңа қожайыны ресми түрде таныстырылуы мүмкін.

AmanVIBE Telegram арнасының мәліметінше, клубты белгілі кәсіпкер «Олжа Агро» компаниясының иегері Алишер Ходжаназаров иеленеді деп күтіліп отыр.

Бұл ақпарат «Тобылдың» ҚПЛ-дың 26-туры аясында «Қайратты» ірі есеппен жеңгенінен кейін тарады. Қостанайлықтар Алматыда алаң иелерін 4:1 есебімен ұтты.

Мирослав Ромащенко баптайтын команда қазіргі таңда 34 ұпаймен турнир кестесінде жетінші орында тұр.

«Тобыл» Қазақстан чемпионатында екі рет – 2010 және 2021 жылдары топ жарған. Қостанай клубы бұған дейін ел кубогын да жеңіп, халықаралық аренада Қазақстанның намысын қорғаған.

Біздің серіктес: Sport12kz