Самородовқа РПЛ-дың тағы бір топ-клубы қызығушылық танытуда

Қазақстан құрамасы мен Грозныйдың «Ахмат» клубының вингері Максим Самородов «Краснодарға» ауысуы мүмкін, деп хабарлайды Sport12.kz инсайдер Иван Карповқа сілтеме жасап.

Инсайдердің мәліметінше, «Спартак» Самородовтың трансферінен бас тартқан. Бұған футболшының шынашағындағы жарақатына қатысты мәселелер себеп болған.

«Қала клубының» 24 жастағы шабуылшымен келісімі трансферлік терезенің жабылатын күні, 10 қыркүйекте сағат 13:00-ге дейін жасалған. Алайда трансферді аяқтауға уақыт жетпеген.

«Егер «Спартак» пен «Ахматтың» тағы бір күні болғанда, олар трансферді міндетті түрде аяқтар еді. Бірақ көп уақыт бағаны төмендетуге және медициналық тексеруге жұмсалды. Самородов Мәскеуге ұшып үлгергенде, оның жарақатының аса маңызды емес екені анықталар еді. Өкінішке қарай, бәрі басқаша болды. Енді қыста Самородовты алуға «Краснодар» да қосылды», — деп жазды Карпов.

2026/27 жылғы РПЛ маусымында 24 жастағы Самородов 7 матчқа қатысып, гол соққан жоқ, бірақ бір нәтижелі пас берді. Ресей чемпионатының соңғы турында ол «Ахматтың» үздік ойыншысы атанып, РПЛ-дың символикалық құрамына енді.

Біздің серіктес: Sport12kz