Қазақстандық екі футболшы РПЛ матчында алаңға шығуы мүмкін

Бейсенбі, 17 қыркүйекте Ресей Премьер-лигасының тоғызыншы турында Тольяттидің «Акроны» Самарада Грозныйдың «Ахматымен» кездеседі, деп хабарлайды Sport12.kz.

«Акрон» – «Ахмат» матчының тікелей трансляциясы Қазақстан уақытымен 20:30-да басталады.

Сегіз турдан кейін «Акрон» бес ұпай жинаса, «Ахматтың» еншісінде 10 ұпай бар. РПЛ-дағы соңғы матчында Тольятти клубы сырт алаңда «Краснодармен» 1:1 есебімен тең түсті. Ал Грозный командасы өз алаңында Махачкаланың «Динамосын» 3:2 есебімен жеңді.

«Акрон» мен «Ахмат» арасындағы соңғы кездесу наурыз айында өтіп, 1:1 есебімен аяқталған.

Айта кетейік, «Ахмат» сапында Қазақстан құрамасының ойыншылары — жартылай қорғаушы Ғалымжан Кенжебек пен шабуылшы Максим Самородов өнер көрсетеді. Жаңа маусымда Самородов тоғыз матчта бір гол соғып, бір нәтижелі пас берді. Ал Кенжебек алты кездесуде нәтижелі әрекетімен көзге түскен жоқ.

Біздің серіктес: Sport12kz