Владимир Вайсс Қазақстан құрамасының осал тұсына тоқталды

Футболдан Словакия құрамасының бас бапкері Владимир Вайсс ертең, 29 қыркүйекте Ұлттар лигасы аясында өтетін Қазақстанға қарсы кездесу жөнінде пікірін білдірді, деп хабарлайды Sport12.kz.

Бас бапкер журналистермен жүздесу барысында өзінің Қазақстанда қызмет атқарған кезеңі туралы пікірін білдірді.

- Мен әрдайым «Қайрат», Қайрат Боранбаевқа, қазақстандық футболға және сол жерде жұмыс істеген адамдарға үлкен құрметпен қараймын. Соңғы он жылда Қазақстан құрамасы үлкен жолға түсті, оны Қайрат Советайұлының еңбегі деп бағалаймын. Қазір ұлттық құрамада клубтың түлектері көп. Онда «Ақтөбе», «Ордабасы», «Қайра«» және «Астана» ойыншылары жинақталған. Мен Қазақстанды әрқашан жылы сөзбен еске аламын, бірақ ертең ұлттық құраманы біздің қарсыласымыз деп санаймын, - деді маман.

Сондай-ақ словакиялық маман Словакияның төрт жыл бұрын Ұлттар лигасында Қазақстанға екі мәрте жеңіліп қалғанын атап өтті.

«Бұдан қорытынды жасау керек, өйткені бұл нәтижелер кездейсоқ болған жоқ. Қазақстан – жақсы дайындалған, ұйымдасқан команда. Ертең мен қиын ойын күтемін. Әрине, біз үшін сапалы ойын көрсету маңызды. Бүгін мен Словакия құрамасының бапкерімін, міндетім - өз футболшыларымның сенімділігін арттыру және қарсылас құраманың әлсіз жағын табу. Бұл менің жұмысымның бір бөлігі. Мен барлық қазақстандық жігіттерді жақсы білемін. Барлығы алаңда жеке және командалық әрекеттер есебінен шешіледі», - деді ол.

Естеріңізге сала кетейік, Словакия мен Қазақстан құрамалары арасындағы Ұлттар Лигасының екінші турының матчы 29 қыркүйекте Кошицада өтеді. Бастапқы ысқырық Астана уақыты бойынша сағат 23:45-те естіледі.

Бұған дейін Ұлттар Лигасының 2022 жылғы ұтыс ойынында құс құраманың жолы түйіскен еді. Сол жолы Қазақстан словактарды екі рет сенсациялық түрде жеңді (Трнавада 1:0 және Астанада өз алаңында 2:1).

Біздің серіктес: Sport12kz