Футболдан Қазақстан құрамасы сапында бүгін Словакияға қарсы ойнай алмайды?

Бүгін футболдан Қазақстан құрамасы сапында UEFA Ұлттар лигасы екінші турындағы Словакиямен кездесуге кімдердің қатыса алмайтыны белгілі болды, деп хабарлайды Sport12.kz.

Бұл кездесу Қазақстан уақытымен 23:35-те басталып, «Qazsport» телеарнасынан тікелей эфирде көрсетіледі.

Аталған ойынға хорватиялық Патрик Коларич бас төреші ретінде бекітілген. Оған отандастары Лука Паич пен Иван Старчевич көмектеседі. Төртінші төреші де сол елдің өкілі Иван Вуканчич. Ал VAR төрешісі міндеті тағы бір хорватиялық Марио Зебецке жүктелсе, VAR ассистенті ретінде Иван Матич қызмет атқарады.

Бұл кездесуге ел құрамасынан Бекхан Шайзада, Александр Широбоков, Бауыржан Исламхан және Еркін Тапалов тізімге енгізілген жоқ.

Айта кетсек, алғашқы турда Қазақстан сырт алаңда Фарер аралдарымен 1:1 есебімен тең түссе, Словакия өз алаңында Молдованы 2:0 есебімен қапы қалдырды.

Біздің серіктес: Sport12kz