Ұлттар лигасы: Қазақстан құрамасы Словакияға есе жіберді

Футболдан Қазақстан құрамасы UEFA Ұлттар лигасы екінші турында сырт алаңда Словакиямен кездесті, деп хабарлайды Sport12.kz.

Словакия құрамасының бас бапкері Владимир Вайсс Қазақстанмен кездесуге негізгі көшбасшы ойыншыларды шақырды. Олардың қатарында «Фенербахче» қорғаушысы әрі капитан Милан Шкриньяр, мадридтік «Атлетико» ойыншысы Давид Ганцко, «Наполи» жартылай қорғаушысы Станислав Лоботка және «Тоттенхэм» қақпашысы Мартин Дубравка бар.

Кездесу барысында словакиялық футболшылар белсенділік көрсетті. Нәтижесінде олардың қатарынан Лео Сауэр 26-минутта есеп ашса, 35-минутта Рамазан Кәрімов таразы басын теңестірді.

Ойынның 82-минутында словакиялық Давид Ганцко қорытынды есепті белгіледі.

Осылайша Қазақстан құрамасы қарсыласына 1:2 есебімен есе жіберді. Енді олар 2 қазанда елордада Молдовамен кездеседі.

Айта кетсек, алғашқы турда Қазақстан сырт алаңда Фарер аралдарымен 1:1 есебімен тең түссе, Словакия өз алаңында Молдованы 2:0 есебімен қапы қалдырды.

Қазақстандық футболшылар 2024/25 жылғы маусымда В лигасында үшінші топта алты кездесудің бесеуінде жеңіліп, біреуінде тең ойнады. Салдарынан өз тобында төртінші орынды місе тұтып, қайтадан С лигасына түсіп қалды.

Біздің серіктес: Sport12kz