Криштиану Роналду ұлттық құрамадағы мансабын аяқтады

Португалия құрамасының 41 жастағы шабуылшысы Криштиану Роналду ұлттық құрамадағы мансабын аяқтау туралы түпкілікті шешім қабылдады. Бұл туралы португалиялық O Jogo басылымы хабарлады.

Басылымның мәліметінше, Роналду Португалия құрамасының Копенгагендегі орналасқан қонақүйінен кетіп қалған және ұлттық құрама сапына енді оралмайды. Осыған байланысты Уэльске қарсы 1:0 есебімен аяқталған кездесу оның Португалия құрамасындағы соңғы матчы болуы мүмкін.

Роналду ұлттық құрамадан Португалия бас бапкері Жорже Жезуштің Данияға қарсы алдағы матчта оны негізгі құрамға қоспайтынын айтқаннан кейін кеткен. Бұған дейін шабуылшы Норвегияға қарсы 2:1 есебімен аяқталған кездесуде де алаңға шықпаған еді.

Португалия футбол федерациясы Роналдудың Копенгагендегі оқу-жаттығу жиынынан кеткенін растады. Алайда федерация оның ұлттық құрамадағы мансабын аяқтағаны туралы мәлімдеме жасаған жоқ. Роналдудың өзі де әзірге халықаралық мансабын аяқтағанын ресми түрде жариялаған жоқ.

Біздің серіктес: Sport12kz