«Атырау» мен «Црвена Звезда» арасындағы келісім іс жүзінде жалғасын тапты

«Атырау» мен Сербияның «Црвена Звездасы» арасындағы ынтымақтастық нақты жобаға ұласты.

Меморандум аясында Атырауға келген сербиялық маман Душан Ракич клуб бапкерлеріне семинар өткізді. Жиында балалар футболын дамыту, жаттығу процесін ұйымдастыру және жас ойыншыларды дайындау әдістері талқыланды.

Енді мамандардың жұмысы алаңдағы практикалық жаттығулармен жалғасады.

Бұдан бөлек, «Црвена Звезданың» өкілдері Предраг Гройданович пен Иван Цветкович «Атыраудың» балалар футболы орталығында координатор қызметін атқарып жатыр. Олар академияның жаттығуларына қатысып, жергілікті бапкерлер мен жас футболшыларға тәжірибелерімен бөлісуде.

Айта кетейік, екі клуб 16 маусымда балалар футболын дамыту және тәжірибе алмасу жөнінде меморандумға қол қойған еді.

Біздің серіктес: Sport12kz