Максим Самородов: «Фарер аралдарына қарсы ойын ауыр болды»

Футболдан Қазақстан құрамасының ойыншысы Максим Самородов УЕФА Ұлттар лигасы аясындағы Фарер аралдарына қарсы матч туралы пікірін айтты, деп хабарлайды Sport12.kz.

«Ойын ауыр болды. Өкінішке қарай, тең түстік. Барынша көп ұпай жинауға тырыстық, бірақ ойымыз жүзеге аспады. Әрине, сәл өкінішті. Бірақ бұл футбол екенін, мұнда не боларын ешкім білмейтінін түсінеміз.

Қарсылас қызыл қағаз алған соң допты көбірек ұстап, ойынды өз бақылауымызда ұстауға тырыстық. Өкінішке қарай, тағы да қайталаймын, жеңіске жете алмадық. Бірақ есепті теңестіре алдық.

Бізді қолдауды тоқтатпаңыздар. Міндетті түрде жақсы нәтижеге қол жеткіземіз. Бізге сәл ғана уақыт керек. Сабыр етіңіздер, бәрі жақсы болады», - деді Максим Самородов.

Біздің серіктес: Sport12kz