Беларусь құрамасы Финляндияны минималды есеппен жеңді

Беларусь құрамасы Ұлттар лигасының төртінші турында Финляндияны жеңіп, күтпеген нәтижеге қол жеткізді, деп хабарлайды Sport12.kz.

Будапештте (Венгрия) өткен кездесу беларусьтердің 1:0 есебімен жеңісімен аяқталды. Матчтағы жалғыз гол ойын басталғанына небәрі 14 секунд өткенде соғылды. Артем Шуманский қарсылас қақпасын дәл көздеп, командасына ерте жеңіс сыйлады.

15-минутта Беларусь тағы бір гол соғуға мүмкіндік алды. Алайда қорғаушы Захар Волков пенальтиді пайдалана алмады.

Бұл кездесуде ҚПЛ-да өнер көрсететін «Тобол» шабуылшысы Виталий Лисакович те алаңға шықты. Ол екінші таймның басында, 46-минутта ойынға қосылды.

Ал Финляндия құрамасының сапында «Қайрат» шабуылшысы Ойва Юккола 68-минутта алаңға шықты.

Осылайша, Беларусь құрамасы Ұлттар лигасындағы төрт турдан кейін жеті ұпай жинады.

Біздің серіктес: Sport12kz