Қазақстан құрамасының Ұлттар лигасындағы жағдайы қандай?

Ұлттар лигасының С дивизионы 3-тобында төртінші турдың барлық матчтары аяқталды. Қазақстан құрамасы топта төртінші орында тұр, деп хабарлайды Sport12.kz.

Астанада өткен кездесуде Қазақстан Фарер аралдарымен 2:2 есебімен тең түсті. Құрамамыз сапынан Сергей Малый 68-минутта, Нұралы Әліп 76-минутта гол соқты. Қонақтардан Петур Кнудсен мен Геза Давид Тури мергендік танытты.

Топтағы екінші матчта Словакия сырт алаңда Молдованы 4:0 есебімен ойсырата жеңді. Словакия сапында Давид Стрелец, Томаш Суслов, Давид Ганцко және Лукаш Гараслин гол соқты.

Осы нәтижелерден кейін С дивизионының 3-тобындағы турнир кестесі мынадай:

Словакия — 10 ұпай;

Фарер аралдары — 4 ұпай;

Молдова — 4 ұпай;

Қазақстан — 2 ұпай.

Біздің серіктес: Sport12kz