FC BKS командасы УЕФА Аймақтар кубогында Қазақстан намысын қорғайды

2026 жылдың 13-21 қазан аралығында Тбилиси қаласында УЕФА Аймақтар кубогының төртінші тобындағы бастапқы кезең ойындары өтеді, деп хабарлайды Sport12.kz.

Бұл турнирде Қазақстан атынан «Қазақстан Әуесқой Лигасының» 2024 және 2025 жылдардағы чемпионы – алматылық FC BKS командасы өнер көрсетеді.

УЕФА Аймақтар кубогы – УЕФА-ға мүше ұлттық қауымдастықтардың өкілдері бақ сынайтын әуесқой командалар арасындағы халықаралық турнир.

Бастапқы кезеңнің матчтары 14, 17 және 20 қазан күндеріне жоспарланған. FC BKS командасының топтағы қарсыластары – чехиялық Central Bohemia Region, болгариялық South-West Bulgaria және грузиялық FC Basa.

FC BKS командасы матчтарының кестесі:

14 қазан, 14:00 Central Bohemia Region (Чехия) – FC BKS (Қазақстан)

17 қазан, 14:00 South-West Bulgaria (Болгария) – FC BKS (Қазақстан)

20 қазан, 17:00 FC BKS (Қазақстан) – FC Basa (Грузия)

FC BKS ұжымының УЕФА Аймақтар кубогына қатысуы – қазақстандық әуесқой футбол үшін маңызды халықаралық тәжірибе әрі «Қазақстан Әуесқой Лигасының» одан әрі дамуына үлкен серпін болмақ.

Еске салсақ, ҚФФ төрешілік және қадағалау департаменті 2026 жылғы Бірінші лиганың 25-тур матчтарына қызмет көрсететін төрешілерді анықтады.

Біздің серіктес: Sport12kz