«Қайрат» Еуропаның 36 клубы арасында үздік төрттікке енді

Алматылық «Қайрат» еурокубоктердің іріктеу кезеңінде жергілікті жас футболшыларға ойын уақытын беру көрсеткіші бойынша Еуропаның 36 клубы арасында төртінші орын алды. Бұл туралы латвиялық Sportacentrs.com басылымы жүргізген зерттеуде айтылған.

Зерттеу қорытындысы бойынша, «Қайраттың» көрсеткіші — 2,14. Үздік үштікке Хорватияның «Хайдук» (2,95), Данияның «Норшелланн» (2,61) және Грузияның «Иберия 1999» (2,43) клубтары енді. Ал қатысушы командалардың орташа көрсеткіші 0,79-ды құрады.

Зерттеу авторы Агрис Сувейзда «Қайрат» академиясын Қазақстандағы үздік академия деп бағалаған.

Айта кетейік, бүгін, 15 қазанда, «Қайрат» Конференциялар лигасының жалпы кезеңінде латвиялық «Рига» клубымен кездеседі. Матч Астана уақытымен 21:45-те басталады.

Біздің серіктес: Sport12kz