«Қайраттың» Конференция лигасындағы қарсыластары қалай ойнады?

Футболдан UEFA Конференция лигасы негізгі кезеңіндегі «Қайрат» (Алматы, Қазақстан) командасының алдағы қарсыластары қалай ойнағаны белгілі болды, деп хабарлайды Sport12.kz.

Айта кетсек, қазақстандық команда бұдан кейін UEFA Конференция лигасы негізгі кезеңінде тағы бес ойын өткізеді. Алдымен 22 қазанда елордада «Панатинаикос» (Грекия), 5 қарашада сырт алаңда «Аталанта» (Италия) клубымен шеберлік байқасады. Одан кейін өз алаңында 26 қарашада елордада «Мьельбю» (Швеция), 10 желтоқсанда «Университатя Крайова» (Румыния) клубтарын қабылдаса, 17 желтоқсанда сырт алаңда «Твенте» клубымен жасыл алаңға шығады.

Қазірге дейін алматылық клубтың үш қарсыласының қалай ойнағаны анықталды. Олардың арасынан «Мьельбю» өз алаңында Андорраның «Интер Клуб Эскльдесті» 2:0, «Панатинаикос» Босния және Герцоговинаның «Борац Баня Лука» клубын 2:1 есебімен тізе бүктірсе, «Университатя Крайова» Испанияның «Хетафе» командасымен 1:1 есебімен тең түсті.

Дәл қазір «Аталанта» өз алаңында Кипрдің «Пафос», «Твенте» Швейцарияның «Тун» командасымен кездеседі.

Айта кетсек, бұдан бұрын алматылық Конференция лигасы негізгі кезеңінің алғашқы турында сырт алаңда Латвияның «Рига» клубымен 1:1 есебімен тең ойнады.

Біздің серіктес: Sport12kz