«Байер» Еуропа лигасында «Лехті» ірі есеппен жеңді

Германиялық «Байер» УЕФА Еуропа лигасының жалпы кезеңіндегі екінші турда Польшаның «Лех» командасын сырт алаңда ірі есеппен жеңді, деп хабарлайды Sport12.kz.

Познань қаласындағы Enea Stadion стадионында өткен кездесу 4:0 есебімен аяқталды. Голдардың үшеуі бірінші таймда соғылды.

29 және 41-минуттарда Патрик Шик пенальтиден екі гол соғып, дубль авторы атанды. Ал 32-минутта Малик Тилльманн есепті еселеді. Матчтың соңғы нүктесін 89-минутта Ибрахим Маза қойды.

Осы жеңістен кейін «Байердің» еншісінде алты ұпай бар. Германиялық клуб екі турдан кейін турнир кестесінде екінші орында тұр. Ал «Лех» әзірге ұпай жинай алмай, 36 команданың ішінде соңғы, 36-орынға жайғасқан.

Біздің серіктес: Sport12kz