«Қайраттың» Конференция лигасындағы орны белгілі болды

Алматылық «Қайрат» УЕФА Конференция лигасының жалпы кезеңіндегі алғашқы кездесуін сырт алаңда «Ригамен» 1:1 есебімен тең аяқтады, деп хабарлайды Sport12.kz.

Бірінші турдан кейін Рафаэль Уразбахтин шәкірттері бір ұпаймен турнир кестесінде 15-орында тұр. Осындай ұпай жинаған командалар қатарында «Хетафе», «Мидтьюлланн», «Норшелланн», «Хартс», «Эгнатия», «Университатя» (Крайова) және «Рига» бар. Жалпы кезеңге 36 команда қатысады.

Екінші турда «Қайрат» 22 қазанда Алматыда Грекияның «Панатинаикос» клубын қабылдайды. Грекиялық команда алғашқы турда өз алаңында Босния және Герцеговинаның «Борац» (Баня-Лука) клубын 2:1 есебімен жеңді.

Сонымен қатар «Қайрат» жалпы кезеңде Италияның «Аталанта», Нидерландтың «Твенте», Румынияның «Университатя» және Швецияның «Мьельбю» командаларымен кездеседі.

Біздің серіктес: Sport12kz