ҚПЛ: «Жетісу» өз алаңында «Қайсардан» басым түсті

Футболдан Қазақстан Премьер-лигасының кейінге қалдырылған ХХІІІ турында «Жетісу» (Талдықорған) - «Қайсар» (Қызылорда) кездесуінің нәтижесі белгілі болды, деп хабарлайды Sport12.kz.

Екі команда турнир кестесінде төменгі орындарда келеді. Олардың алдында Премьер-лигадағы орнын сақтап қалу міндеті тұрған еді.

Кездесу барысында қызылордалық команда жылдам гол соғып үлгерді. Ойынның 11-минутында олардың қатарынан Виктор Мозес мергендік танытты.

Одан кейін талдықорғандық клубтың белсенділігі байқалды. Алаң иелері сапынан Шоқан Абзалов 71-минутта таразы басын теңестірсе, Нұрбол Нұрберген 76-минутта қорытынды есепті белгіледі.

Осылайша «Жетісу» қарсыласынан 2:1 есебімен жеңіп, турнир кестесінде жағдайын жақсарта түсті.

Дәл қазір «Тобыл» (Қостанай) - «Жеңіс» (Астана) кездесуі өтіп жатыр.

Ал 19:00-де «Ақтөбе» - «Ордабасы» (Шымкент) жасыл алаңға шығады.

Айта кетсек, бұдан бұрын «Оқжетпес» «Қызылжарды» жеңіп, төртінші орынға көтерілді./

Сондай-ақ 18 қазанда 15:00-де «Алтай» (Өскемен) - «Атырау», 16:00-де «Елімай» (Семей) - «Ұлытау» (Жезқазған),

18:00-де «Қайрат» (Алматы) - «Ертіс» (Павлодар), 19:00-де «Астана» - «Каспий» (Ақтау) шеберлік байқасады.

Біздің серіктес: Sport12kz