Нариман Курбанов спорттық гимнастикадан әлем чемпионатының финалына шықты

Нидерландтың Роттердам қаласында спорттық гимнастикадан 54-ші әлем чемпионаты басталды, деп хабарлайды Sport12.kz.

ҚР Туризм және спорт министрлігі Спортты дамыту дирекциясының баспасөз қызметіні хабарлауынша, жарыстың алғашқы күнінде іріктеу кезеңінің сайыстары өтуде. Ат снарядындағы жаттығуда Париж Олимпиадасының күміс жүлдегері Нариман Курбанов 14.866 ұпаймен екінші орын иеленіп, ақтық сайысқа жолдама алды.

Айта кетейік, бұған дейін 26 жылдық үзілістен кейін Қазақстанға спорттық гимнастикадан әлем чемпионатының тарихи медалін 2023 жылы Бельгияда өткен біріншілікте еркін жаттығулар бағдарламасында қола жүлде жеңіп алған Милад Карими сыйлаған болатын. 25 қазанға дейін жалғасатын байрақты бәсекеге 83 елден 463 гимнаст қатысып жатыр. Сонымен қатар бұл чемпионатта 2028 жылғы Лос-Анджелес Олимпиадасына арналған алғашқы командалық жолдамалар ойнатылады.

Біздің серіктес: Sport12kz