24.01.2025
«Ақтөбе» қатарын қазақстандық шабуылшымен толықтырды
Азамат Бақи
Фото: «Ақтөбе» ФК
Оралхан Өміртаев ресми түрде «Ақтөбе» футбол клубының ойыншысы атанды
Қарағандылық «Шахтёр» клубының түлегі мансабында отандық «Тобыл», «Ақжайық», «Атырау» және беларусьтің «Слуцк» пен БАТЭ клубтарының намысын қорғаған.
26 жасар шабуылшы өткен маусымды Беларусь чемпионатында өткізген болатын. «Слуцк» және БАТЭ командаларының сапында барлығы 27 ойын өткізіп, 10 мәрте гол соққан.
Еске сала кетейік, «Ақтөбе» QFL өткен маусымын 24 ойында, 43 ұпай жинап, үшінші орында аяқтаған болатын. Сонымен қатар ақтөбелік ұжым 2024 жылы Қазақстан кубогының иегері атанды.
