Карло Анчелотти жеңілістің себебін түсіндірді

«Реалдың» бас бапкері Карло Анчелотти Испания Кубогының финалында «Барселонаға» қарсы 2:3 есебімен аяқталған матчтан кейін өз пікірін білдірді, деп хабарлайды Sport12.kz

«Жақсы матч болды. Бірінші тайм біз үшін қиын өтті. Ал екінші таймда ойынымыз әлдеқайда жақсарды. Біз ойынның бақылауын қолға алдық, бірақ бір сәттік қателік жағдайды қиындатты. Біз жеңіске өте жақын болдық. Әлі де күресіп, еңбектенуіміз керек. Бүгін біз жақсы ойнадық, командаға сын айтуға негіз жоқ. Егер жеңгенімізде, бұл әділетсіздік болмас еді. Әрине, Кубокты көтере алмағанымыз өкінішті. Алайда шағымданатын ештеңе жоқ. Біз өз міндетімізді орындадық», – деп Анчелоттидің сөзін Footmercato келтіреді.

Айта кетейік, бұл — «Реалдың» Испания Кубогы финалындағы 21-ші жеңілісі. Бұған дейін команда 20 мәрте бұл турнирде жеңіске жеткен.

Біздің серіктес: 200 000 фрибетті ұтысқа саламыз – арнаға жазыл және батырманы бас