ҚПЛ: «Қайрат» Алматыда «Тобылдан» басым түсті

Алматылық «Қайрат» футболдан Премьер-лига командалары арасындағы Қазақстан чемпионатында қатарынан екінші мәрте жеңіске жетті, деп хабарлайды Sport12kz.

Алматылық клуб бүгін өз алаңында қостанайлық «Тобылды» қабылдады.  

Екі команда биылғы біріншілікті сәтті бастады. Турнир кестесінде жоғары орындарда тұрған командалар кездесу жанкүйерлер тарапынан қызығушылық туғызды. 

Бірінші кезеңде алматылық клубтың басымдығы байқалып тұрды. Қарсыластар қақпасы маңынан жиі табылып, гол соғу мүмкіндігін іздеді. Осындай сәттің бірінде «Қайрат» сапынан Валерий Громыко көздеген нысанадан мүлт кеткен жоқ. Ойынның 4-минутында оның алыстан тепкен добы қақпа торында тулап жатты.

Екінші кезеңнің 60-минутында алматылық клубтан Дастан Сәтпаевтың берген пасын әріптесі Жоржиньо голға айналдырды.

Ендігі кезекте «Тобыл» алға қарай ұмтылды. Нәтижесінде 79-минутында «Тобыл» сапынан Александр Зуев есеп айырмасын қысқартты.  

Аталған жеңістен кейін «Қайрат» он жеті ұпай жинап, өкшелеп келе жатқан қарсыластарынан ұзап кетті.

Аталған турдағы өзге ойын нәтижелері төмендегіше: 

«Ордабасы» (Шымкент) - «Тұран» (Түркістан) 1:0 

«Қызылжар» (Петропавл) - «Қайсар» (Қызылорда) 2:1 есебімен тізе бүктірді. 

26 сәуір

 «Астана» - «Атырауд» 2:1

«Ақтөбе» - «Ұлытау» (Жезқазған) 1:0

«Жетісу» (Талдықорған) - «Елімай» (Семей) 0:3 «Оқжетпес» (Көкшетау) - «Жеңіс» (Астана) 1:1.

Енді алдағы тур ойындары 3 және 4 мамыр күндері өткізіледі.

Біздің серіктес: 200 000 фрибетті ұтысқа саламыз – арнаға жазыл және батырманы бас