«Реалдың» жаңа галактикосы кім болады?

Мадридтік «Реалдың» президенті Флорентино Перес клуб жоспарлап отырған 150 миллион еуролық трансферге қатысты тың ақпаратпен бөлісті.

Оның айтуынша, бұл сома қорғаушы үшін төленбейді. Клуб жартылай қорғаушы немесе шабуыл шебіндегі футболшыны сатып алуды көздеп отыр.

Сондай-ақ Перес мадридтіктердің таңдауы тәжірибелі жұлдызға емес, әлем футболының ең талантты жас ойыншыларының біріне түскенін жеткізді.

«Бұл футболшы жас. Ол — галактико», — деді «Реал» президенті.

Бұған дейін Перес Эрлинг Холанд, Харри Кейн, Жереми Доку және Майкл Олисенің бұл трансферге қатысы жоқ екенін мәлімдеген болатын. Сонымен қатар ол болашақ трансфердің деңгейін Криштиану Роналду мен Кака секілді жұлдыздардың ауысуымен салыстырған.

Біздің серіктес: Olimpbet қосымшасын пайдалан