«Аят» сапын үш бразилиялық футзалшы толықтырды

Рудныйдың «Аят» футзал клубы жаңа маусым қарсаңында құрамын бірден үш бразилиялық ойыншымен күшейтті.

Клубтың жаңа ойыншыларының бірі – 31 жастағы шабуылшы Лукас дос Сантос Розендо да Силва. Ол бұған дейін Бразилияның бірнеше клубында, сондай-ақ Кипрдің AEK және Грекияның «Дукас» командаларында өнер көрсеткен.

Екінші трансфер – 26 жастағы қорғаушы Тьяго де Оливейра Фелтрин. Ол Бразилиядағы бірқатар клубтарда ойнап, кейін Хорватияның «Црница» командасының намысын қорғаған.

Сонымен қатар «Аят» қатарына 30 жастағы шабуылшы Кайо Адрио Менезес Насименто қосылды. Соңғы жылдары ол Францияның «Спортинг» Париж, «Аяччо» және «Тулон Метрополь» клубтарында өнер көрсетті.

Еске салайық, 2025/26 жылғы Қазақстан чемпионатының қорытындысы бойынша «Аят» бесінші орын алған. Ал чемпиондық атақты финалда «Семейді» жеңген «Қайрат» иеленсе, қола жүлде «Ақтөбеге» бұйырды.

Біздің серіктес: Sport12kz