Алматы облысында жаңа футзал командасы құрылды

2026–2027 жылдар маусымында Қазақстан Республикасы Чемпионатының Жоғары лигасында және Қазақстан Республикасы Кубогында жаңа команда — Алматы облысының «Alatau» командасы ойын көрсетеді, деп хабарлайды Sport12.kz.

Команда Алматы облысының дене шынықтыру және спорт басқармасының бастамасымен, Алматы облысы әкімдігінің қолдауымен құрылды. Жаңа жобаның басты ерекшеліктерінің бірі — «Alatau» командасының құрамы толығымен Алматы облысының жергілікті футзалшыларынан жасақталуы.

Команданың құрылуы өңірдегі футзалдың дамуы үшін маңызды қадам болып табылады. Бұл жергілікті спортшыларға тұрақты ойын тәжірибесін жинақтауға, шеберліктерін арттыруға және республикалық деңгейде өз мүмкіндіктерін көрсетуге мүмкіндік береді.

«Alatau» командасының бас бапкері болып Дінмұхамбет Сүлейменов тағайындалды. Ол — қазақстандық футзалдың танымал өкілі. Қазіргі уақытта Дінмұхамбет Сүлейменов Қазақстан футзалдан ұлттық құрамасының бас бапкері Рикардо Камара Собралдың (Какау) жаттықтырушылар штабында бас бапкердің көмекшісі қызметін атқарады.

Еске салсақ, бұдан бұрын Біржан Оразов 2025/26 маусымының үздік қорғаушысы атанды.

Біздің серіктес: Sport12kz