Футзалдан Қазақстан құрамасы әлем чемпионатының іріктеу кезеңін Беларуське қарсы бастайды

Футзалдан Қазақстан ұлттық құрамасы 2028 жылғы әлем чемпионатының іріктеу кезеңіндегі алғашқы матчын бүгін Беларусь құрамасына қарсы өткізеді.

Ойын Астана қаласындағы Жақсылық Үшкемпіров атындағы Жекпе-жек сарайында өтеді. Қос құрама арасындағы тартыс Астана уақытымен сағат 20:00-де басталады.

Матчқа Чехиядан келген халықаралық дәрежедегі төреші Онджей Черны басқарады.

Іріктеу ережесіне сәйкес, топта бірінші орын алған команда элиталық кезеңге тікелей жолдама алады. Ал екінші орын иегерлерінің келесі кезеңге өту мүмкіндігі рейтинг нәтижесіне байланысты шешіледі.

Айта кетейік, Қазақстан құрамасы Беларусьпен қарымта ойынды 10 қарашада Минск қаласында өткізеді.

Біздің серіктес: Sport12kz