Сенсация: Қазақстан құрамасы Португалияны жеңіп, ширек финалға жолдама алды

Бүгін, 26 қыркүйекте футзалдан Қазақстан құрамасы әлем чемпионатының 1/8 финалында Португалияны жеңіп, ширек финалға шықты 

Екі құрама бұған дейін екі мәрте кездесіп, қазақстандық футзалшылар екеуінде қарсыласына есе жіберді. 

Кездесу барысында 10-минутта қазақстандық Шыңғыс Есенаманов есеп ашса, оған португалиялық Зикки 21-минутта бір голмен жауап қайырды.

Ойынның бітуіне небәрі 12 секунд қалғанда Дәурен Тұрсағұлов жеңіс голын соғып кетті. 

Осылайша қарсыласын 2:1 есебімен жеңген қазақстандық футзалшылар жарысты жалғастыруға мүмкіндік алды. 

Қазақстан биыл D тобында Испаниямен 1:1 есебімен тең ойнаса, одан кейін Ливияны 4:1, Жаңа Зеландияны 10:0 есебімен тізе бүктірді. Нәтижесінде өз тобында Испанияны алға жіберіп, екінші орын алды. 

Қазірге дейін әлем чемпионатының ширек финалына Бразилия, Украина, Парагвай, Венесуэла, Марокко құрамалары жолдама алды.

Біздің серіктес: 200 000 фрибетті ұтысқа саламыз – арнаға жазыл және батырманы бас