Бреус Украинаға қарсы матчты қорытындылады

Қазақстан ұлттық құрамасының қорғаушысы Дмитрий Бреус Украинаға қарсы өткен шешуші матч туралы пікір білдірді.

Кездесу негізгі уақыт пен овертаймда 4:4 есебімен аяқталды. Ал буллит сериясында Қазақстан құрамасы 5:4 есебімен жеңіске жетті. Осы нәтиже командаға ІА дивизионын мерзімінен бұрын жеңіп, әлем чемпионатының элиталық дивизионына жолдама алуға мүмкіндік берді.

Бреус ойынның қиын өткенін атап өтті:

«Мұндай шешуші матчтарда әр ойыншы барын салады. Бұл ойынның ауыр болатыны белгілі еді. Соңында буллитте жеңіске жеткеніміз жақсы болды. Кей сәтте қысымды азайтып алдық, бұған жол бермеу керек», — деді ол.

Қазақстан құрамасы сапында шайбаларды Всеволод Логвин, Кирилл Ляпунов, Роман Старченко және Батырлан Мұратов соқты.

Біздің серіктес: Olimpbet қосымшасын пайдалан