Максим Мусоров «Адмирал» сапына қосылды

Қазақстандық ұлттық құрама шабуылшысы Максим Мусоров ресейлік «Адмирал» клубының ойыншысы атанды. ҚХЛ клубы хоккейшімен бір маусымға арналған екіжақты келісімшартқа қол қойды.

Трансфер туралы «Адмирал» клубының баспасөз қызметі ресми түрде хабарлады.

Мусоров — Өскеменнің «Торпедо» клубының түлегі. Ол мансабының көп бөлігін «Барыс» жүйесінде өткізген. Континенталды хоккей лигасында 75 ойын өткізіп, 9 ұпай жинаған (4 шайба, 5 нәтижелі пас).

Өткен маусымда шабуылшы Өскеменнің «Торпедо» командасында өнер көрсетіп, Қазақстан чемпионатында клубтың екінші бомбардирі атанды. Команда маусым қорытындысы бойынша қола жүлдегер болды. Бұған дейін Мусоров Воскресенскінің «Химик» клубымен бірге Петров кубогын жеңіп алған.

Айта кетейік, хоккейші Қазақстан ұлттық құрамасына тұрақты түрде шақырылып келеді.

Біздің серіктес: Olimpbet қосымшасын пайдалан