ӘЧ-2027: Хоккейден Қазақстан құрамасы элиталық дивизионда Канада мен АҚШ-қа қарсы ойнайды

Халықаралық хоккей федерациясы (IIHF) 2027 жылғы әлем чемпионатының элиталық дивизионындағы топтық кезеңнің құрамын жариялады.

Қазақстан ұлттық құрамасы В тобында сынға түседі. Талғат Жайлауов жетекшілік ететін команда топтық кезеңде Канада, АҚШ, Чехия, Словакия, Дания, Венгрия және Норвегия құрамаларына қарсы ойнайды.

Айта кетейік, Қазақстан құрамасы биыл І дивизионның А тобында үздік нәтиже көрсетіп, әлем хоккейінің жоғары дивизионына қайта жолдама алған еді.

Ал А тобында Швейцария, Финляндия, Швеция, Германия, Латвия, Аустрия, Словения және Украина командалары бақ сынайды.

Әлем чемпионаты 2027 жылдың 14–30 мамыры аралығында Дюссельдорф пен Мангейм қалаларында өтеді.

Турнир матчтарын хоккей жанкүйерлері Германия ареналарында тамашалай алады.

Біздің серіктес: Olimpbet қосымшасын пайдалан