Роман Старченко «Барыстан» кетуі мүмкін

Астананың «Барыс» клубының бас бапкері Михаил Кравец Қазақстан құрамасының тәжірибелі шабуылшысы Роман Старченконың болашағына қатысты өз ұстанымын айқындады.

Ақпаратқа сәйкес, Кравец жаңа маусымда 39 жастағы хоккейшіге сенім артуды жоспарламайды. Осыған байланысты Старченконың мансабын жалғастыруына қатысты бірнеше нұсқа қарастырылып отыр.

Олардың қатарында кәсіби спорттағы мансабын аяқтап, «Барыс» жүйесінде бапкерлік қызметке ауысу немесе Қазақстан чемпионатында өнер көрсететін «Номад» клубында ойыншы-бапкер ретінде жұмысын жалғастыру мүмкіндігі бар.

Роман Старченко көп жылдан бері «Барыс» пен Қазақстан құрамасының көшбасшыларының бірі саналады. Ол ұлттық команданың сапында әлем чемпионаттары мен халықаралық турнирлерде ел намысын қорғап келеді.

Айта кетейік, өткен маусымда «Барыс» ҚХЛ-дың Шығыс конференциясында оныншы орын алып, кезекті рет плей-офф кезеңіне өте алмады.

Біздің серіктес: Olimpbet қосымшасын пайдалан