3 күн бұрын
Қазақстан құрамасында ойнаған хоккейші азаматтығынан бас тартты
Қанат Байұзақов
Қақпашы Данай Шайыков, ҰХЛ драфтында таңдалған ойыншы, Қазақстан азаматтығынан бас тартты, деп хабарлайды Sport12.kz.
Бұл шешім 2024 жылы Минскіде өткен турнирден кейін қабылданған. Аталған жарыста ол Қазақстанның жасөспірімдер құрамасы сапында екі матч өткізген.
Данай Шайыковты Ұлттық хоккей лигасы драфтының үшінші турында жалпы 67-нөмірмен «Нью-Йорк Рейнджерс» клубы таңдады.
Ол хоккейдегі алғашқы қадамдарын Алматыдағы «Стрижи» клубында бастап, 2020 жылы Омбы қаласына көшіп, «Авангард» жүйесінде өнер көрсетті.
Өткен маусымда 19 жастағы қақпашы Квебектің негізгі жасөспірімдер хоккей лигасының тұрақты чемпионатында «Гатино Олимпикс» клубының сапында 50 матч өткізді.
Біздің серіктес: Olimpbet қосымшасын пайдалан
