ҚХЛ «Барыстың» алғашқы ойындарының уақытын жариялады

Құрлықтық хоккей лигасы (ҚХЛ) Астананың «Барыс» клубының қыркүйек айында өз алаңында өткізетін үш матчының басталу уақытын өзгертті. Шешім кездесулерді «ҚХЛ ТВ» телеарнасында көрсетуге байланысты қабылданған.

Жаңартылған кесте:

• 7 қыркүйек: «Барыс» — «Сибирь» — 19:00;
• 9 қыркүйек: «Барыс» — «Салават Юлаев» — 19:00;
• 12 қыркүйек: «Барыс» — «Амур» — 16:30.

Барлық уақыт Қазақстан уақытымен көрсетілген. Бұған дейін алғашқы екі кездесу 19:30-да, ал «Амурға» қарсы матч 17:00-де басталуы тиіс еді.

Айта кетейік, жаңа маусым алдында «Барыс» екі оқу-жаттығу жиынын өткізеді. Алғашқы жиыннан кейін астаналық клуб 17-20 тамыз аралығында Башқұртстан Республикасының кубогіне, сондай-ақ 27-30 тамызда Николай Пучков атындағы турнирге қатысады. Одан кейін команда ҚХЛ чемпионатындағы жаңа маусымын бастайды.

Біздің серіктес: Sport12kz