ҚХЛ «Барыстың» матч уақытын өзгертті

Құрлықтық хоккей лигасы (ҚХЛ) жаңа маусым алдындағы күнтізбеге өзгеріс енгізіп, «Барыстың» қыркүйекте өз алаңында өткізетін үш матчының басталу уақытын ауыстырды.

Астана клубы 7 қыркүйекте «Сібірмен», 9қыркүйекте «Салават Юлаевпен, ал 12 қыркүйекте «Амурмен» кездеседі.

Жаңартылған кестеге сәйкес:

• 7 қыркүйек, «Барыс» – «Сібір» — матч 19:00-де басталады. Бұған дейін 19:30-ға жоспарланған;

• 9 қыркүйек, «Барыс» – «Салават Юлаев» — кездесу 19:00-де өтеді;

• 12 қыркүйек, «Барыс» – «Амур» — ойын 16:30-да басталады. Бастапқы уақыт 17:00 болған.

ҚХЛ бұл өзгерістердің телевизиялық трансляцияға байланысты енгізілгенін хабарлады. Аталған кездесулер «ҚХЛ ТВ» арналары арқылы көрсетіледі.

Айта кетейік, «Барыс» жаңа маусымға дайындық барысында екі турнирге қатысады. 17-20 тамыз аралығында Башқұртстан Республикасы кубогында, ал 27-30 тамыз күндері Николай Пучков турнирінде өнер көрсетеді. Осыдан кейін елордалық команда ҚХЛ чемпионатындағы ресми ойындарын бастайды.

Біздің серіктес: Sport12kz