«Барыс» «Амурдан» ірі есеппен жеңілді

«Барыс» Башқұртстан Республикасы кубогіндегі екінші матчында «Амурға» қарсы ойнады.

Астаналық клуб бірінші кезеңде Самат Даниярдың голымен есепті теңестіргенімен, ойынның қалған бөлігінде қарсыласына төтеп бере алмады. Хабаровск командасы тағы төрт гол соғып, 5:1 есебімен жеңіске жетті.

Осылайша, «Барыс» турнирде қатарынан екінші рет жеңілді. Бұған дейін астаналықтар «Салават Юлаевқа» 1:4 есебімен жол берген.

«Барыс» жарыстағы соңғы матчын 20 тамызда «Ладаға» қарсы өткізеді. Ойын Астана уақытымен 13:00-де басталады.

Біздің серіктес: Sport12kz