Бүгін «Барыс» жаңа маусымдағы алғашқы матчын өткізеді

7 қыркүйек, дүйсенбі күні Астананың «Барысы» ҚХЛ тұрақты чемпионатының жаңа маусымындағы алғашқы кездесуін өз алаңында Новосібірдің «Сибирь» командасына қарсы өткізеді, деп хабарлайды Sport12.kz.

«Барыс» – «Сибирь» матчы Астана уақытымен 19:00-де басталады. Кездесудің тікелей трансляциясын көруге болады.

«Сибирь» жаңа маусымда бір матч өткізіп үлгерді. Новосібірліктер Қазанда «Ак Барсқа» буллиттер сериясында 3:4 есебімен жол берді. Кездесу барысында «Сибирь» 3:1 есебімен алда болған. Осылайша, команда маусым басында бір ұпай жинады.

Өткен маусымда «Барыс» Шығыс конференциясында 10-орын алып, плей-оффқа шыға алмады. Ал «Сибирь» сегізінші орынмен плей-оффқа жолдама алды. Бірінші кезеңде новосібірлік клуб «Металлургтен» 1:4 есебімен жеңілді.

Біздің серіктес: Sport12kz