«Барыс» бапкері легионерлермен жұмыс істеу әдісін айтты

Астаналық «Барыстың» бас бапкері Михаил Кравец командадағы қазақстандық және шетелдік хоккейшілермен жұмыс істеу тәсілі туралы айтты, деп хабарлайды Sport12.kz.

Маман ҚХЛ-ға алғаш келген легионерлермен алдымен жеке сөйлесіп, олардың тұрмыс жағдайы мен командаға бейімделуіне мән беретінін жеткізді. Оның айтуынша, шетелдік ойыншылар соңғы маусымдарда ұжымға тез сіңісіп жүр.

Кравец хоккейшілерді легионерлер мен жергілікті ойыншыларға бөліп қарамайтынын атап өтті. Басты мақсат — барлығын бір ұжымға біріктіріп, ортақ мақсатқа, яғни хоккей мен жеңіске бағыттау.

«Барыстың» жаттықтырушысы командадағы әр ойыншы жауапкершілікті сезініп, киім ауыстыратын бөлмеде де, мұз үстінде де бір отбасыдай болуы маңызды екенін айтты.

Еске салайық, «Барыс» ҚХЛ-дағы маусымын «Сібірді» 7:1 есебімен жеңуден бастады. 9 қыркүйекте астаналық клуб «Салават Юлаевты» қабылдайды.

Біздің серіктес: Sport12kz