ҚХЛ-да маусым фавориттері кімдер?

Ресей хоккей федерациясының бірінші вице-президенті әрі «Россия 25» құрамасының бас бапкері Роман Ротенберг ҚХЛ-дың жаңа маусымындағы басты фавориттерді атады, деп хабарлайды Sport12.kz.

Маманның пікірінше, ЦСКА, «Локомотив» және Мәскеудің «Динамо» клубтары Гагарин кубогын жеңіп алуға басты үміткерлер.

Ротенберг бұл командалардың Ресей құрамасына тұрақты түрде ойыншылар беретінін, сондай-ақ үшеуінің де 1946 жылы құрылғанын атап өтті. Оның сөзінше, аталған клубтардың мықты академиялары бар және жаңа маусымның жеңімпазы осы үштіктің арасынан шығуы мүмкін.

Ротенбергтен СКА командасын неге фавориттер қатарына қоспағаны сұралғанда, ол бұл сұрақты клубтың өзіне қою керектігін айтты.

ҚХЛ-дың 19-маусымы 2026 жылғы 5 қыркүйекте басталды. Соңғы екі маусымда Гагарин кубогын Ярославльдің «Локомотиві» жеңіп алған.

Біздің серіктес: Sport12kz