«Барыстың» ҚХЛ-дегі маусым бастауына Ресейде жоғары баға берілді

«Трактор» клубының бұрынғы директоры Андрей Баландин ҚХЛ командаларының маусымды бастауына баға беріп, астаналық «Барыстың» ойынын ерекше атап өтті, деп хабарлайды Sport12.kz.

-«Маусым басында маған «Локомотив» ұнады. «Металлург» жеңіп жатыр, бірақ оңай емес. Мүмкін, командаға түсетін жүктеме жоғары шығар. «Барыс» ұнады, команда шабытпен әрі үлкен құлшыныспен ойнап жүр. «Салават» та сәтті бастады, Астанада жеңілгеніне қарамастан.

Мәскеулік «Динамо» көңіл көншітпейді. Бұл команда бұлай ойнамауы керек. Мен Тамбиевке және оның «Динамоны» чемпиондыққа жеткізе алатынына сенбеймін. Оған жастармен жұмыс істеу керек командалар көбірек сәйкес келеді. Минскілік «Динамоның» ойыны да ұнамайды. Өткен маусымда үнемі көшбасшылар қатарында болды, ал қазір чемпионатты жеңілістермен бастады», – деді Баландин.

Еске салайық, ҚХЛ-дағы алғашқы матчында «Барыс» новосібірлік «Сибирьді» 7:1 есебімен жеңді. Ал екінші кездесуде астаналық клуб Уфаның «Салават Юлаевынан» 8:6 есебімен басым түсті.

Біздің серіктес: Sport12kz