Бүгін «Барыс» Мәскеуде «Динамоға» қарсы ойнайды

Бүгін, 22 қыркүйекте Мәскеуде Құрлықтық хоккей лигасының (ҚХЛ) тұрақты чемпионаты аясында «Динамо» мен «Барыс» кездеседі, деп хабарлайды Sport12.kz.

«Динамо» – «Барыс» матчының тікелей трансляциясы Астана уақытымен сағат 21:30-да басталады.

Ойын алдында екі команда да 8 ұпайдан жинаған. Алайда «Барыс» бір матч кем өткізген.

Елорда командасы ҚХЛ-дағы соңғы кездесуінде сырт алаңда лиганың үздік командасы саналатын ярославльдік «Локомотивті» 5:0 есебімен ойсырата жеңді. Ал мәскеулік «Динамо» соңғы матчында Хабаровскінің «Амурынан» 0:4 есебімен жеңілді.

«Динамо» мен «Барыс» арасындағы соңғы кездесу желтоқсанда өтіп, астаналық клубтың сырт алаңдағы 4:2 есебімен жеңісімен аяқталған. Сонымен қатар «Барыс» қарсыласын соңғы үш ойында қатарынан жеңіп келеді.

Біздің серіктес: Sport12kz