Бүгін «Барыс» Астанада «Нефтехимикті» қабылдайды

25 қыркүйек, жұма күні Астанада Құрлықтық хоккей лигасының (ҚХЛ) кезекті матчы өтеді. Бұл ойында «Барыс» Нижнекамскінің «Нефтехимигін» қабылдайды, деп хабарлайды Sport12.kz.

«Барыс» – «Нефтехимик» матчының тікелей трансляциясы Қазақстан уақытымен сағат 19:30-да басталады.

Кездесу алдында «Барыс» жеті матчтан кейін 10 ұпай жинаса, «Нефтехимик» сегіз ойыннан кейін 11 ұпай еншілеген.

ҚХЛ-дағы соңғы матчында «Барыс» Мәскеуде «Динамоны» 4:1 есебімен жеңді. Ал «Нефтехимик» өз алаңында Тольяттидің «Ладасын» 7:3 есебімен ойсырата ұтты.

Командалардың соңғы өзара кездесуі қаңтар айында өтіп, «Нефтехимик» өз алаңында 3:2 есебімен жеңіске жеткен. ҚХЛ аясындағы соңғы төрт матчтың барлығында нижнекамскілік клуб басым түсті. «Барыс» «Нефтехимикті» 2024 жылдың қарашасынан бері жеңе алмай келеді.

Біздің серіктес: Sport12kz