«Барыс» ҚХЛ матчында «Ақ Барсқа» қарсы ойнайды

30 қыркүйекте Қазан қаласында Құрлықтық хоккей лигасының (ҚХЛ) тұрақты чемпионаты аясында «Ақ Барс» пен астаналық «Барыс» кездеседі, деп хабарлайды Sport12.kz.

«Ақ Барс» — «Барыс» матчының тікелей трансляциясы Қазақстан уақытымен сағат 21:00-де басталады.

ҚХЛ-дың жаңа маусымында он матч өткізген «Ақ Барс» 13 ұпай жинаса, «Барыс» тоғыз кездесуден кейін 10 ұпайға ие.

Тұрақты чемпионаттағы соңғы матчында «Ақ Барс» сырт алаңда Магнитогорскінің «Металлургіне» 1:2 есебімен жол берді. Ал «Барыс» өз алаңында петерборлық СКА-дан 3:5 есебімен жеңілді.

Бұған дейін «Барыс» сырт алаңда қатарынан екі ірі жеңіске жеткен еді. Астаналық клуб «Локомотивті» 5:0, ал мәскеулік «Динамоны» 4:1 есебімен жеңді. Кейін Михаил Кравец шәкірттері өз алаңында екі рет жеңіліп қалды. «Барыс» бұдан бөлек Нижнекамскінің «Нефтехимигінен» 3:6 есебімен ұтылды.

«Ақ Барс» — «Барыс» матчының тікелей трансляциясы Қазақстан уақытымен сағат 21:00-де басталады.

Біздің серіктес: Sport12kz