«Барыс» америкалық қақпашымен келісімшартты бұзуы мүмкін

Астаналық «Барыс» қақпашы Хантер Шепардпен келісімшартты мерзімінен бұрын тоқтатуды қарастырып жатыр.

30 жастағы америкалық хоккейші елордалық клубқа осы жазда қосылған еді. Алайда оның ҚХЛ-дағы көрсеткіші команда бапкерлерін қанағаттандырмай отыр.

Шепард жаңа маусымда «Барыс» қақпасында 9 матч өткізіп, 23 шайба өткізіп алды. Қақпашының соққыларды қайтару көрсеткіші 85,9 пайыз болса, сенімділік коэффициенті 3,4-ті құрады.

Айта кетейік, Шепард «Барысқа» ауысқанға дейін АХЛ-да «Лаваль Рокет» сапында өнер көрсеткен. Ал кәсіби мансабының басым бөлігін НХЛ-дың «Вашингтон Кэпиталз» клубында өткізді.

Біздің серіктес: Sport12kz