ҚХЛ: «Барыс» «Авангардқа» қарсы құрамын жариялады 

Қазақстандық «Барыс» командасы Құрлықтық хоккей лигасындағы кезекті ойынында бүгін, 10 қазанда елордада Ресейдің «Авангард» (Омбы) командасына қарсы құрамын жариялады, деп хабарлайды Sport12.kz.

Кездесу Қазақстан уақытымен 16:30-да басталып, «Qazsport» телеарнасынан тікелей эфирде көрсетіледі.

Құрлықтық хоккей лигасы тұрақты чемпионатында «Барыс» 12 ойыннан кейін 14 ұпаймен он бірінші орында тұрса, «Авангард» 11 ойыннан кейін 11 ұпаймен он тоғызыншы орынға жайғасқан.

«Барыстың» құрамы:

Шутов (Шепард);

Масси — Дэй, Логвин — Пилон — Бэйли;

Маккошен — Данияр, Симонов — Морелли — Томпсон;

Бритиков — Приски, Өмірбеков — Шестаков — Ляпунов;

Бекетаев — Әлібек, Савицкий — Шайхмедденов — Әсетов.

Айта кетсек, жарақатына байланысты ресейлік клубтан Егор Афанасьев, Александр Волков, Максим Лажуа және Николай Прохоркин алдағы кездесуге қатыса алмайды. Қазақстандық команда құрамынан Мәди Диқанбек осындай себеппен бүгінгі кездесуден тыс қалып отыр.

Біздің серіктес: Sport12kz