Қазақстан чемпионатында аптаның үздік хоккейшісі анықталды

«Арлан» шабуылшысы Степан Санников хоккейден Қазақстан чемпионатының алтыншы аптасының үздік ойыншысы деп танылды, деп хабарлайды Sport12.kz.

Өткен апта «Арлан» командасы үшін нәтижелі болды. Клуб төрт матчта мүмкін болған сегіз ұпайдың алтауын жинап, чемпионаттың турнир кестесінде екінші орынға көтерілді.

Степан Санников төрт кездесудің үшеуінде нәтижелі әрекетімен көзге түсті. Әсіресе «Құлагерге» қарсы маңызды матчта хет-трик жасап, командасының жеңісіне үлес қосты.

Тәжірибелі шабуылшының осы маусымдағы көрсеткіші де көңіл көншітерлік. Оның еншісінде 9 ұпай (4 гол + 5 нәтижелі пас) және «+8» пайдалы әрекет көрсеткіші бар. Сонымен қатар Санников қақпаға бағыттаған соққыларының 36,36 пайызын голға айналдырды.

Біздің серіктес: Sport12kz