«Барыс» бүгін «Автомобилистпен» кездеседі

14 қазанда Астанада Құрлықтық хоккей лигасының (ҚХЛ) тұрақты чемпионаты аясында жергілікті «Барыс» Екатеринбургтің «Автомобилист» командасын қабылдайды, деп хабарлайды Sport12.kz.

«Барыс» — «Автомобилист» матчының тікелей трансляциясы Қазақстан уақытымен сағат 19:30-да басталады.

«Барыс» 14 ойыннан кейін 16 ұпай жинап, турнир кестесіндегі орнын нығайтуға тырысады. Ал «Автомобилист» 13 кездесуде 14 ұпайға қол жеткізген.

Екі команда да соңғы матчтарын әртүрлі нәтижемен аяқтады. «Барыс» өз алаңында новосібірлік «Сибирьден» 2:3 есебімен жеңілсе, «Автомобилист» Омбының «Авангард» клубын 4:0 есебімен ойсырата ұтты.

Бұл екі команданың жаңа маусымдағы алғашқы өзара кездесуі болмақ. Олар соңғы рет қаңтар айында мұз айдынында жолығып, сол кезде Екатеринбург клубы овертаймда 2:1 есебімен жеңіске жеткен еді.

Біздің серіктес: Sport12kz