Шайбалы хоккейден Қазақстан чемпионатында жаппай төбелес болды

Шайбалы хоккейден Қазақстан чемпионатындағы «Бейбарыс» (Атырау) пен «Арлан» (Көкшетау) кездесуі жаппай төбелеспен аяқталды. 

Кездесу барысында атыраулық клуб қарсыласына 0:4 есебімен жеңіліп қалды. 

Ойында үшінші кезеңде екі команда бір мәрте төбелесіп қалған еді. Дегенмен кездесу аяқталғаннан кейін жаппай төбелес басталып кетті. Оған хоккейшілермен бірге бапкерлер мен клубтардың өзге де мамандары қосылып кетті.

Бұл жөнінде «Головой об лед» ютуб-каналы «Клубтардың бірінің қызметкері (әзірге қайсы клубтікі екені белгісіз) ойыншыларды сабырға шақырудың орнына жерде құлап жатқан ойыншыға өзі де қол жұмсаған. Бұл шынында да дұрыс емес» деп жазды.