15.02.2025
Қазақстан құрамасының қақпашылары Азия ойындарының үздіктері атанды
Азамат Бақи
Фото: olympic.kz
Қытайдың Харбин қаласында өткен IX Қысқы Азия ойындарындағы шайбалы хоккейден үздік қақпашылар анықталды.
Ерлер арасында бұл марапатқа Қазақстан құрамасының қақпашысы Андрей Шутов лайық деп танылды. Шутов өзіне бағытталған соққылардың 95,18 %-ын қайтарды.
Ал әйелдер арасындағы үздік қақпашы — Арина Щеколова. Қазақстан құрамасының бағана күзетшісі 96% соққыны сәтті тойтарып, керемет нәтиже көрсетті.
Еске салсақ, Ақ Азиадада Қазақстан ерлер құрамасы алтын, ал әйелдер қүрамасы күміс медаль жеңіп алған болатын.
